أنا ماهمني الدنيا ولا همني متاعبها مدام اني بها عايشن ودايمن مستريح البالي واذا ودي أخربها أكيد اني بخربها ولكن ما ألتفت للي يسوي روحه برجال مدام أبوي رباني بشرقها وغربها أعرف كيف أتعامل مع الموقف والقيل والقال أنا ما خاف أعدائي ولو تكبر شواربها كثير أذناب تتخفى ورى شماغ ولبس عقال واذا زادت بلاويها أكيد اني بأدبها وأسويهم حطب وأوقد فناجين الغلا ودلال ولا تغريني الدنيا ولا حتى مناصبها ولا أركض ورى الشهرة ولا بيها تجي بأذلال ولا بلعب على البنت وأقول اني أبخطبها ولا أتسلى بعواطفها وأسويها مثل تمثال ولا أمشيها على كيفي وأبعدها وأقربها وأعيشها حلم كاذب وأسليها بلعب عيال وقدام البشر أكذب وأسميها وألقبها أميرة قلبي الأعظم وأنا بعيونها محتال أبد لا يمكن أتخيل أنا في يوم أعذبها لأني عارف حقوقي وعارف كيف ستر الحال مع الفزعات تلقاني وأقدرها وأوجبها وأقدر من يقدرني ولو حمله يهز جبال ولا أصدق علوم الهرج ولا يمكن أكذبها لأني لازم أتأكد وأرد الفعل بالأعمال علومي طيبة دايم وقلبي من يطيبها ولا تتغير أخلاقي قصر فيني الزمن أو طال مدام الشعر يسكني وقيفانه أنا أشربها أبكتب قصيدة من قلبي علشان تردده أجيال وأصيغ حروف من فكري وأزينها بأعذبها وأخلي الكل يسمعها كما نسمع صدى الموال ولو تبعدني الدنيا مسافاتي تقربها الى من تستقر روحي بدنيا طيبين الفال وأكون الشاعر الأول لـ أميرة قلبي وحـبـي وأعجبها وألملم باقي أنفاس القصيد بغربة الترحال
========================
أنا إنسان مع نفسي قبل لا أكون معك إنسان لـي مبـدأ ولـي نظـرة تحكمني قناعـاتي أحاسيسي حقيقـه ثابته بالوصل والهجران أنا طبعي اذا حبيت .. أحب بكل حالاتي منادي والندا نابع من الوجدان للوجدان إذا ما ينطق احساسي حديثي يشبه سكاتي غموضي في الهوا تصريح وسره يفضح الكتمان ونظرات الوله والوجد هي أجمل عباراتي ولا أجامل بأحاسيسي ولا أقبل في الهوى احسان ولا للمصلحه يا سيدي دور بعلاقاتي ولو ألغي شعوري ما بقى لي صاحب ولا خـلاّن يرافقني على مر الزمن جرحي ودمعاتي أحب الصدق وأعمل به كسبت أو كنت أنا الخسران ولـو صـدقـي يخسّـرني تشـرّفنـي خسـاراتي رفيق العمر لو تجفـا نبض الحرف والشريان إذا ما غصت بأعماقي .. متى تفهم معاناتي على كثر الخطا غافر ولا أغفر غلطة الخوّان جزاه الصدّ والفرقا ولو عاندت رغبـاتي ولولا العفو ما أخطينا ولا نحيا بلا غفران خطايانا دليل إنّا بشر ومنّا الخطا ذاتي على صدر الزمن بكتب شعوري موعد وعنوان تعرف الشوق لو فتّشت عن سر ابتساماتي اذا كان الهوى نعمة بحطّك نعمة الرحمن واذا كان الهوى غلطة بحطّك كل غلطاتي
========================
خسيتي لعنبو جدك ،، خسيتي والغلط ينعاب خسيتي وأقلبي وجهك ولا كلمه ولا حاجه خسيتي وألزمي حدك تراها ضاعت الأداب أنا لا طاشت جنوني يعرف الجاهل أدابه وش المغزا من الكلمه بلا داعي بلا أسباب وهرج الكذب والتجريح قوليلي وش أسبابه؟؟ أنا الشرهه علي اني فتحت لخافقي كم باب لكن مثل ماجيتي ترى كبر الجمل بابه خذي نفسك معك برى ثم أنقلعي بدون اياب فمان الله ،،والا أقول فمان ابليس وأصحابه تحسبيني على فرقاك بأندم وأغرق الأهداب؟؟ أنا مبسوط يوم اني طردت الشوم وغرابه أنا ما عاشر الخاين ولا أسمع هرجه الكذاب ومثلك قيمته عندي تحت الزيرو حسابه هذاك الي تحبينه حقير وخكري ولعاب عاجبك ان قذلته شقرا ويميل بالشعر كابه؟؟ صحيح هذا مــدنـي حقير وشكله للنساء جذاب تشابه بأخته فلانه ومنها الدم متشابه وأنا ما نيب حرف جر تجرينه على الأعراب أنا حرفن جزم نفسه ومثلي يصعب أعرابه تشوم النفس عن زينك عقب ما طاح فيها ذباب وأنا حرن ولد حر تركت الزين وذبابه أنا يا بنت من ربعن لهم فوق الفخر محراب أنا عــتـيـبـي يا خبله وربعي اَل عياش أنا شيخن ولد شيخ بذكره تنعم الأنساب الا قام العرب كلا يراجع دفتر أنسابه ولد شيخن وسط ربعه له بين الرجال حساب اليا ضاقت به الأرياء يهز الأرض مشعابه محنكني على الطيبه من يومي صغير وشاب أجل وش رأيك بطفل دلال القهوه ألعابه؟؟ ترى بدري على مثلك تعيب وساسها معياب يا ليت الي يعيبني يحاول يستر ثيابه أنا لا جتني الزله من الجاهل وهو كذاب تركت القافله تمشي وراها تنبح كلابه وأنا ليا من كشف أن الخوي أصبح لسانه داب نزعت السم من عرقه وكسرت بمخلبي نابه خلاص اليوم يا فلانه كرهتك والقلوب غراب وترى كل طيرن بكبد السماء يشبع مخلابه خساره مثلك بقلبي تضمه غرفة الأحباب وخساره غلطة العاشق يحطك أول أحبابه بعد هذا تبين أرجع لأجل عينك نكون أصحاب...!! ؟
========================
الله يوفق مثلك الله يخليه كانك نويت الصد والهجر معه غالي ولك بالقلب شي ومخفيه أكبر من اللي بالضماير تهقواه في غيبتك قلبي ترى الهم صاليه وأسهرت ليلي بين ونه وويلاه البارحه طيفك مع الليل أحاكيه يشهد علي الليل والنجم يصغاه فكرت مع الليل مبدع قوافيه مسحوب طرقي والقوافي تقفاه والحزن فوق القلب والهم مقفيه و ليلي غدا ليلين والصبر مقواه شاعر تحده والليالي توطاه أجزل بيوت الشعر وحكم معانيه ولا هزيل القاف واضح ثناياه ياللي حرقت القلب منهو يطفيه النار نارٍ تتعب القلب وأحشاه يا ما نسيت اللي من الناس نغليه ولا عاد به شي ليا حل طرياه أستر عيوب الناس والطيب أبديه وش خانت اللي ما ستر عيب رفقاه أمسٍ وقبل البارح القلب أهنيه أمسي مع الفرحه وصبّح بفرحاه في شوفتك أفرح مع اللحن أغنيه وطيفك يسلي كل طرقٍ بمغناه قلبي كثير اللي من الناس ترجيه وأنا الذي قلبك من الناس يرجاه
========================
مشكلتي اني حبيت وحده صغيــره والمصيبه انهـا هـي بعد تعشقنــي صارت بقلبـي الأولـى والأخيـره وأتربعت في قلبـي وعيت تتركنـي أسرتنـي بحبهـا و هي بحبي أسيـره وعيبهـا انـها ما تقدر تبعد عنـي والله انـها مـتـعبتنـي بالغيـره وبدلعهـا وجنـون شوقها تعذبنـي لو تأخرت عليها مشكلـه كبيـره ولو جيت بدري تستغرب وتسألنـي وان غيرت الموضـوع تفتح السيـره وان تكـلمت تقـول لازم تقنعنـي ولو أغازلـهـا وأناديهـا الأميـره ألقاهـا تنغـر بحـلاها و تعاندنـي و لو تركتهـا تبـان عليها الحيـره وتجينـي وتقـول ليه مـا تغازلنـي والله قصتي معاهـا قصـة مثيـره وفوق كــذا أحبهـا وهي تحبنـي واللي ما عمره عشق وحده صغيـره ما أتهنى فـي حياته تعال وأسألنـي
========================
جالسـه وحاطه رجلها على ركبهـا ناعمه والـدلـع من أجمل صفاتهـا وسانده يدهـا علـى دفا خصرهـا حلوه وجـميله وجذابـه نظراتهـا فديت النعومـه وعيونـها ونظرهـا بالدلـع والـدلال عايشـه حياتهـا حلوه و ناعمه و صغيـره في عمرهـا وظـلام الليل ينـور مـن بسماتهـا العود والمسك ياخـذ من عطرهـا والشِعر يفتخـر بنفسـه من أبياتهـا ناعمه و النعومه من أولـها لآخرهـا والزمن يوقف عند ساعاتها وأوقاتهـا أنـا احتـرت كيف أوصف شَعرهـا ناعمه ومن نعومتـها رقه بكلماتهـا ليتني شمـس يومهـا ليتـني قمرهـا ليتني روج وأذوب بعسـل شفاتهـا ليتني شامه وأعيش حياتي بصدرهـا ليتني همسها ليتني حروفها وكلماتهـا ليتني روحها وتحركنـي بأنفاسها ليتني جمـالها وأفتـخـر في حلاتهـا ليتني أنا ليلهـا وأصحى وأسهرهـا ليتني بسمـتها وأفرح بضحـكاتهـا ليتني تفاحـة خـدهـا ليتني ثمرهـا ليتني حبها وأذوب كل لحظه بغلاتهـا ليتني غيومها وسحابهـا ليتني مطرهـا ليتني حزنهـا ودمعهـا ليتني عبراتهـا خـلاص بصراحـه نويت أعشقها وأعيش كـل لحظـه من لحظاتهـا ودي أشـم مـن وردها وزهرهـا ودي أتنـفس أنفـاسها وأهاتهـا ودي أضمهـا وأغـرق في نهرهـا ودي أعيش وأموت وأحيا بجناتهـا ناعمه ودلـوعه مـن أيام صغرهـا ويا حظي دام النعـومه أجمل صفاتهـا وبعد هذا تلوموني يا ناس لا قلت أغليها وتلوموني لا قلت لكم أغار على حبيبتي السمرة
========================
يسألوني ليــه أحبــــك وليــه يضمني قلبك وتضمك عروقي وليــه تنزل دمعتي لا ذكرتك وزاد شوقي يسألوني ما نسيت ؟ يسألوني وش جنيت ؟ يســـــألوني عن مشـــاعر عن هوى بالقلب حــاظر عن نواظر كنت فيها تعتليها أذكــرك وأبكيـــك وأضحك تخنق العبرات صوتي حس موتي حسهم لا قالوا وش بك؟!؟ تفضح العبره سكوووتي خنت جرحي وما نسيتــــك ما بخلت آنا وعطيتك "يبيــــك" قلبي والمشاعر صرت حتى في عروقي أســــــــألك بالله قل لي ليـــه أشرب من حنانك وأرجع أضمى؟ وليـــه أرسم لك في موتي صوره وأعجز أحتويها ؟ "قد هالدنيـا أبيــــــــك " ويمكن أكثــــر ليتني أقدر أجيك .. وآآه مقدر يســــــــألوني ومادروبـــك يجرحوني لو حكو بك أحلف إني والله أحبـــــك إيـه أحبـــك يسألوني عن عيونك عن شفاتك مع لونك يســألوني هو يحبـــــك ؟ ياترى يحلم بقربــــك ؟ قلت أنا لا تســـألوني هوه ســــاكن في عيوني وعن غــــــلاتي هذا قلبه وأســــألوه
========================
يا بنت أنا مـا أقـوى نظـرتن مـن عيونـك تشعل لهيب القلب وتحرق خفاياه أنشهد إن به عيـن تعشـق وعيـن تذبحـك وعينك بقلبي مثل سهمن غرزتيـه صدقينـي انـي عشقتـك وبالحـب شاريـك والسبب نظرة عيونك والحب وبلواه لا تبخلي يـا بنـت علـى محبـك ومغليـك قوليلي أحبـك وأنطقيهـا بالشفـاه مهو غريبـه إنـي أحبـك مـن أول لقـانا هي صدفه جمعتنا وسوينها سـواه
========================
آه من عيونـه يـامحـلاه عيون الـمطر و الربيـع أرتجف لـو بـس ألقـاه وأنسى مكاني وأضيـع وأسـرح وأهيم بسمـاه ويجيني احساس فضيـع والله اني أتعب لو بس أشوفـه وان شفته يروح تفكيري لبعيـد ياما حلمت اني أضمه وأبوسـه والله يستر من احساسي الجديـد آه بس من لـون عيونـه أمـوت أنا بهالعيــون ويلي من رمـش عيونـه صرت بعيونه مجنــون و ينادونـي مـجنونـه و يسمّونـي المفتــون والله مدري ليه أعشق وصوفه وليه عيونه تخلي اعجابي يزيـد وليه لو شفته أذوب في خدوده شكلي أعشقه بالمختصر المفيـد آه ياعيونـه والله أهـواه عيونه مثل لون السمـا مافيـه عيـب ولاجـاه واللي ماشافه انعمــا آه ياعيونـه كلي فـداه عيونه مثل عيون المهـا
========================
ماني عارف وش أكتب من أبيـات من يوم شفتها وأنا مدري وش فينـي ماني عارف وش أقول من كلمـات شفتها ونسيت النوم والنـوم نسينـي من لون عيونها ضاعت كل العبارات من يوم شفتها ما قدرت أبعد عينـي للحين ماني مستوعب ذيك اللحظات الظاهر اني فيها انجنيت الله يشفينـي يوم شفتها تبتسم في وجهي ابتسامات حسيت الشمس أشرقت على جبينـي شفايفهـا وردة ! لا والله انها وردات وخشمها سيف يجرحني و يداوينـي فديت عيونها وفديت ذيك النظـرات فديت خدها بروحي وأيامي وسنينـي صوتها كأنه أنغام وألحان و مقامـات نادتني و ياويلي عليهـا يوم تنادينـي صوتها دوا لكل الأوجاع والآهـات وحضنها الـدافي من دفـاه يدفينـي شفتهـا ولا شفت مثلها بين البنـات يا زينها ومن زينها ضعت مدري وينـي أحلف انها ملكة جمال كل الملكـات وأنا والله اذا حلفت أصدق في يمينـي ما أقدر أوصفها بالأشعار والأبيـات لأني من يوم شفتها مدري وش فينـي
========================
مغروره وياحظ الغرور ويازينــه حلوه ومافي بالدنيا مثلك اثنيــن نفسي أعرف منهو اللي تحبينــه منهو اللي حاطته بجفـن العيــن يا بخته أكيد عايش أحلى سنينــه أكيد عمره راح يعيشه مرتيــن أكيد انه يصبر حتى لـو تجرحينـه أكيد انه مو مصدق انك تحبيــن أكيد انك بلون عيونك تسحرينـه أكيد انه يذوب لو بس تناظريــن ياليت أنا اللي تحبينه و تعشقينــه والله راح أحبك الى يوم الديــن راح أذوّبك و قلبي راح تهوينــه ومثل جنوني والله ماراح تلقيــن وحبي لو ذقتيـه والله ما تنسينــه ومن دفا ضمتي أظنك تسكريــن آه بس من حظي آه الله ياشينــه يعني حتى في الغرام جتني عيــن ياويل قلبي اللي ذاب الله يعينــه كلّه من انسانه كاملة في الزيــن
Interests
الرياضة
الشعر والخواطر
السفر
Favorite Music
ودعـــت جــرحــك لــلابـد مـالـك غــلا عـنـدي أبـد مـره تـجـي مـره تـصـد حـيـرتـنـي روح أبـتـعـد راح أعـتـبـر حـبـك سـراب وأرتـاح مـن هـذا الـعـذاب مـا نـتـظـر رد الـجـواب بـيـدـيـك أخـلـفـت الـوعـد يـالاسـف حـبـك مـضـى فـيـها أرتـجـي لـحـظـة رضـى جـفـنـي بـلـيـلـه مـاغـضـى سـهـران وعـذبـنـي الـسـهـر كـنـت الـقـى فـي قـربـك حـنـان وأنـسـى مـعـك حـزن الـزمـان غـدار مـالـك أي أمـاان وش الـي أنـتـظـره بـعـد ودعـت جـرحـك لـلا بــد ======================== أبعدت بسكات...تعتقد اني انا ظلها تبتعد وش لي انا وشلها ماشفتها تضحك...ولا شفتها تبكي ولا هي قصدتني بكلام...ابعدت بسكات ماقدرت حبي...ولا عايشتني الظروف كوني اسير الغرام...ابعدت بسكات لاتتبعي ناسك...ليش بعتني محبتي غلطانه فاحساسك...انا صاين عزتي بس اقول انك بديتي...ما انسى لو نسيتني لك في حياتي سطور احروفها جروح ======================== اسأليني قبل تجرحك الظنون واسمعيني قبل يتعبك الغضب ادري باللي فيك يالقلب الحنون النوايا بيض والغيره تعب علميني كيف من حبك يخون كيف أخونك وأنتي من قلبي أحب خاطرك غالي وحبي لك جنون والعمر ما بين رمشين وهدب ======================== قف وناظر دمعتي يوم ادرجت... يوم شفتك ناوي ترحل بعيد يوم كلمتك وصديت اخرجت... اذهلتني دمعة الحزن الأكيد كلمتين كنت بقول امرجت... دمعتين سكرن حبل الوريد ولا عليها لوم بالشوق ادمجت... ماتريدونه على ماكنت اريد ولو تقول اعداك نفسك مانجت... كل عام شوقي على شوقه يزيد الحباب عن دواخلها رجت... ترجمان احساسها صار النشيد عن خفايا في دواخلها لجت... وكونت بين الثنين اكبر رصيد ولالي غير الله بالشده رجت... يجمع اللآمى ويمحى كل كيد ======================== ادري الــعـذر مـايـكفي رضــاك عـنـي انا اللذي ما املك على رضاك سلطان خـذنـي وخــذ مـاتـشتهي الـيـوم مني حـجم الـخطا يـفرق من انسان لنسان احـسـنت فـيـك الـظـن ولا خـاب ظني اعـرفـك تـاويـني ولــو كـنـت زعلان كـــل الـمـشاعر مــن غــلاك احـكـمني عـنـدك دلـيـل ان الـولـه خـيـر برهان انــظـر عـيـونـي يـــوم جـيـتك حكني اصـفـح عـسـا يـفـداك يـانور الاعيان كــلـي عـــذر وان مـاكـفـاك امتحني قـلـب الـعـما يـصفل ولـو كـان عـميان ======================== العيون اللي بكت هعلت الدمعه اسألك بالله ياعين لاتبكين قطرة بين لها فوق الوجن لمعه دمعه ياشينها دمعة المقفين أحرقه عمري ولجلك أشعله شمعه أهرجي لي ولا عدمتك ولاتخفين إن سألتي قوبنا قلت مجتمعه وإن شكيتي حضنا قلت لاتشكين رغبتي بك رغبة الحب لاطمعه والشواهد موت شفته على الوجهين روحي مطيعه ولافيك مستمعه ما أصدق فيك من عاذلي الجنسين العيون اللي بكت هعلـت الدمعـه اسألـك بالله ياعـيـن لاتبكـيـن قطرة بين لها فوق الوجـن لمعـه دمعـه ياشينهـا دمعـة المقفيـن أحرقه عمري ولجلك أشعله شمعه أهرجي لي ولا عدمتك ولاتخفيـن إن سألتي قوبنـا قلـت مجتمعـه وإن شكيتي حضنا قلت لاتشكيـن رغبتي بك رغبة الحـب لاطمعـه والشواهد موت شفته على الوجهين روحي مطيعه ولافيـك مستمعـه ما أصدق فيك من عاذلي الجنسين ========================
القرأن الكريم الشعر والخواطر القصص والروايات مجلة الجريمة والحوادث المثيرة
Favorite Quote
من عافته نفسك ترانا نعافه أنا على شـفك وخذني على الكيف من الوصــل تقصـــر عليك المسـافـه أقـرب مـن المتكي على معنز الضيف نفسٍ يمـوت بها الرجا يا حسـافه أضعف من الشعره على مقطع السيف واللي قضب خيط الامل لا وشافه حـظـه يقــوم أقـداذ مـن غير تكـليف أنت الـذي بـــرقــه عـلينـا كـشـــافـه البـرق والـهـتـان جـــا عـقبـه الـطــيف ======================== انا وياه ماندري هوينا بعضنـا وشلـون من شفته وانا احبه وفجاه صار يهوانـي اذا ناظرني بعيونه انسى كل مافي الكـون اذا جاني وقابلنـي اعيـش بعالـم ثانـي تسافر بي سواليفه ويرحل بي سواد عيون اموت بطلته واحيا على صوته اذا جانـي تفاهمنا قبل نحكي قبل مانفهم المضمـون لقينا قلوب مجتمعه تعرف الي يبي الثاني تعاهدنا على وصل ومحبه والوفي مايخون ملاء عيني باطباعه واخلاقـه واغنانـي عشقته ياعرب سمو هوانا بالـي تسمـون حبيبي صاحبي عمري ومحبوبي وخلاني ======================== أنادي من سكن بأقصى فؤادي على منهو نفس روحي وزادي على منهو حرم عيني رقادي أنا اهواه يزور العين طيفة ثم اضمه واحس ان الهوى عطره واشمه وحبي له يفوق عن حب امه انا اهواه صحيح ان الزمن فرق حبايب وانا رجواي في انسان غايب معه قلبي بصدق الحب ذايب انا اهواه انا وياه والذكرى الجميله خليل ما نسى عشرة خليله انا انسى الناس واتركهم واجيله انا اهواه الا ياسائليني عن غرامي انا ظامي لشوفه حيل ظامي انا اهواه ويكفيكم هيامي انا اهواه ======================== بـهـديك جـرحـي ادمــه وزد فـيـه عـلي تـجمل تـواضع وابـتسم لي بـهـديك فـرحي لـك خـص بـهديك لـك الـفرح والـحزن كـله قسم لي وان قــل فـرحـي شـايبي مـواريه حكمت اظلم اقضب شتات شملي لانــهـد صــرحـي شــيـد مبانيــه الـهـم اشـيـله واذا اخــف حـمـلي وان طـال شـرحي ترى ذا تواليه عـظـمتك اجــرك فـجرحي وقـتلي وان عفت جرحي الا كيف اداويه من يدوي الجرح ومن يبتسم لي ======================== بيدي كتبت اسمك وبيدي مسحته من كتاب الذكريات توني عرفت طبعك يومن عشته يا عديمه للصفات عزي علي ربعك صوته سمعته جعلت من شخصي اداة ذقت الملا لاجلك والله ذقته اش رسمي انا بالحياة؟ ما انساك لو البس ثوب المجارح برويه لو يبس درب المفارح بيدي كتبت اسمك وبيدي مسحته من كتاب الذكريات توني عرفت طبعك يومن عشته يا عديمه للصفات ذقت العنا ما احبس كل شيء واضح صعبه اذل النفس .. صعبه اسامح بيدي كتبت اسمك وبيدي مسحته من كتاب الذكريات ======================== حظ عيني لو تشوفك كل يـوم حظها وانت لناظرهـا الضيـا نام فيها نام وانعـس لا تقـوم بالسعادة يـا تباشيبـر الحيـا انت اللي لك انا عمري اسـوم وارخص الغالي بلا زيف وريا والبقايا مالهـم عنـدي لـزوم قلبي وقلبـك حبايـب اوفيـا غيبتك وجدان واحزان وهموم تتعب افكاري تسبب لي عيـا ودي بشوفك وبعطيك العلـوم وعن عيوني لا يبعـدك النيـا صدق انا مشتاق لك كني كتوم اجبر عزومي ويمنعني الحيـا منزللك فوق الكواكب والنجوم وافي وسمعي على صوتك حيا وش على عيني يلو شافتك دوم دامك انت في محاجرها الضيا حظ عيني لو تشوفك كل يـوم حظها وانت لناظرهـا الضيـا ======================== حسبي على نفحات بعض الهبايب ليه احرقت راعي العلوم الوسيعه قالت عليك وبينت كل غايب والزيـن صلفـات الهبايـب تشيعـه اقبل يجر اخطاه ماهو هايب واقفى ورجله ماخلق بجهلها سريعـه على الحياه مجهود طبع وهايب ياحلوها يا اهل الشرف من طبيعه
English
